ავტორიზაცია | რეგისტრაცია
შეკვეთის გასაკეთებლად გაიარეთ ავტორიზაცია
032 2 04 10 19 577 46 94 80 ორშაბათი-პარასკევი 9.00-18.00
Email contact@beon.ge
სამხრეთკორეული ტექნოლოგიური კომპანია Samsung საზოგადოებას Galaxy Z სერიის ახალ დასაკეც სმარტფონებს, Z Flip 3-სა და Z Fold 3-ს მიმდინარე წლის 11 აგვისტოს დაგეგმილ ონლაინ ღონისძიებაზე წარუდგენს. პირდაპირი ტრანსლაცია თბილისის დროით 18:00 საათზე დაიწყება. მისთვის თვალყურის დევნება მწარმოებლის ოფიციალურ YouTube არხზე იქნება შესაძლებელი.
Samsung-ის ახალი მოდელების შესახებ ინტერნეტში ძირითადმა მახასიათებელმა გაჟონა. წინასწარი ცნობით, Galaxy Z Flip 3-ის გარეთა ეკრანი 1,9-დუიმიანი, შიდა, მოქნილი დისპლეი კი 6,7-დუიმიანი იქნება. სმარტფონი, დიდი ალბათობით, ამერიკული კორპორაცია Qualcomm-ის მიერ დამზადებული მძლავრი პროცესორით Snapdragon 888 აღიჭურვება. მისი ოპერატიული მეხსიერება, სავარაუდოდ, 8GB-ს, შიდა მეხსიერება 128 ან 256GB-ს, ელემენტის ტევადობა კი 3,300 mAh-ს შეადგენს. როგორც ცნობილია, მობილურ მოწყობილობას ორი 12-მეგაპიქსელიანი კამერა და 10-მეგაპიქსელიანი სელფის კამერა ექნება.
ახალი სმარტფონი Galaxy Z Flip 3. ფოტო: Samsung
რაც შეეხება Galaxy Z Fold 3-ს, მისი გარეთა ეკრანის ზომა წინამორბედი Z Fold 2-ის მსგავსად 6,2 დუიმი, მთლიანი დისპლეის ზომა კი 7,6 დუიმი იქნება. ორივე ნაწილის ზედაპირი ერთმანეთთან მაქსიმალურად მჭიდროდ განლაგდება და თვალშისაცემი ჭრილის ნაცვლად ნაკეცის ადგილზე მხოლოდ მცირე ზომის ჩაღრმავება გამოჩნდება. სმარტფონი პროცესორით Snapdragon 888 აღიჭურვება. წინასწარი ცნობით, მისი ოპერატიული მეხსიერება 12GB-ს, შიდა მეხსიერება 256 ან 512GB-ს, ელემენტის ტევადობა კი 4,400 mAh-ს შეადგენს. ახალ მოდელს სამი 12-მეგაპიქსელიანი კამერა და ორი 10-მეგაპიქსელიანი სელფის კამერა ექნება.
ახალი სმარტფონი Galaxy Z Fold 3. ფოტო: Samsung
გავრცელებული ინფორმაციის თანახმად, Galaxy Z Flip 3-ის გაყიდვა მიმდინარე წლის 27 აგვისტოდან დაიწყება. ის, სავარაუდოდ, 1,400 აშშ დოლარამდე ეღირება. ჯერჯერობით გაურკვეველია, როდის გამოჩნდება ტექნიკის მაღაზიებში Galaxy Z Fold 3, თუმცა, როგორც ცნობილია, მისი ფასი 2,255 აშშ დოლარიდან დაიწყება.
© 2011-2024 Beon Store • ბიონ მაღაზია. Powered by: Geopay